Ben estraña moitísimo a súa avoa. Era unha velliña típica: amante do repolo, xogadora de Scrabble… e ladroa de xoias internacional baixo a identidade secreta do Gato Negro!

No seu cabodano, unha onda de espectaculares roubos sacode Londres e Ben decátase de algo: todas as pistas suxiren que o Gato Negro ataca de novo. Pero é imposible! Como pode ser? Estará actuando unha nova avoa gánster?

David Walliams (Surrey, Reino Unido, 1971) é un coñecido humorista británico, grazas ó programa de televisión Little Britain.

No ano 2008 comezou a súa exitosa carreira como autor de literatura infantil e xuvenil. Comparado con Roald Dahl, a súa prolífica escrita creou libros supervendas como A avoa gánster ou O rapaz do vestido, que foron adaptados á televisión pola BBC.

Traducido por Eva Almazán